قصــيدة (( أُصــبـوحــه ))

[AL_WaFi]

قصــيدة (( أُصــبـوحــه ))

للشـاعر عـادل العـسيري


متصبّـح بزولـك الله لا يصبّحنـي = الا بخيرن كما طاري ها لاصبوحـه
يدّي بيدّك ولابـه مـن يطارحنـي= الا جسدك وعساني منعـدم روحـه
اتغمض عيونك ادري فيك تلمحنـي= اتخبي الحب والاشـواق مفضوحـه
اتدور احلى كـلام الحـب تمدحنـى= اتّمتم شفاتـك ادري باللـي تبوحـه
أنشد قصيدي واشوفك حيل تسرحني= كنك تهادى على شعري بأرجوحـه
ان جيت لمي تهبّ الشـوق تلفحنـي= وان رحت عني تثرّ العطر وتفوحـه
لولاك تدري وش اللي فيك يذبحنـي= ماكان جبت الغياب وطاري الروحه
خلـك هنيّـا دخيلـك لا تبارحنـي = مايكفي البارحه نفسيـن مجروحـه
والكلمه اللي بصـدرك ماتريحنـي= ان كان خبيتهـا والنفـس مذبوحـه
لا خير في الحب كانك ما تصارحني= لا تهدم بصمتك البنيـان وصروحـه
ان كان تبغا عذر لجـل ابتسامحنـي = من دون أعذار زلاتـك ومسموحـه
اتبسمت في خجل وراسهـا محنـي= وقالت الشعر وش طاريه وش نوحه
قلت انك تمد كفـك ثـم تصافحنـي = وآقبّـل الكـف ويقبلنـي بروحـه
قالت لئيم الشعروشلـون يطرحنـي= قلت بمشاعر ذوت فالنفس مطروحه
قالت رضيت ومع انك ما تصالحنـي= قلت الله الخيره الابيـات مشروحـه
قامت تبسـم تقـول الله يصبحنـي= في كل يومن كما طاري ها لاصبوحه

[Only Registered Users Can See Links]